დღეს, შინაგან საქმეთა სამინისტროსა და გერმანული სკოლის ხელმძღვანელობის ინიციატივით, გერმანული საერთაშორისო სკოლის დაწყებითი კლასების მოსწავლეები ვაკე-საბურთალოს რაიონის პოლიციის სამმართველოს 1-ელ განყოფილებას გაცნობის მიზნით ესტუმრნენ.
ერთობლივი ღონისძიების მიზანი ბავშვებისთვის პოლიციის დანიშნულებისა და საზოგადოებრივი მნიშვნელობის გაცნობა იყო.
განყოფილების თანამშრომლებმა გერმანული სკოლის აღსაზრდელებს პოლიციის შენობა დაათვალიერებინეს.
პოლიციელებმა ბავშვებს აუხსნეს, რომ პოლიცია მათი მეგობარია და საჭიროების შემთხვევაში, ყოველთვის შეუძლიათ დახმარებისთვის მიმართონ.
