თელავის მუნიციპალიტეტის გამგეობიდან 5 თვის ორსული სამსახურიდან გაათავისუფლეს. ელენე ბერძენიშვილი, რომელიც იურიდიული სამსახურის სპეციალისტად მუშაობდა, 21 იანვარს რეორგანიზაციის მიზეზით დაითხოვეს.
ბერძენიშვილი მომხდარს კანონისა და მისი უფლებების დარღვევად აფასებს. თელავის გამგეობაში კი ყოფილ თანამშრომელს საკუთარი უფლებების დაცვას სასამართლოში ურჩევენ.
იურიდიული სამსახურის უფროსმა ყოფილი თანამშრომელი სამსახურში, ორსულობის მიუხედავად, არ აღადგინა. ელენე ბერძენიშვილმა უკვე მიმართა სასამართლოს და სახალხო დამცველის აპარატს. საქმეში "ახალგაზრდა იურისტთა ასოციაციის" თელავის ფილიალიც ჩაერთო.
