შვედმა ფოტოგრაფმა, პოლ ჰანსენმა World Press Photo-2013-ის მთავარი ჯილდო მიიღო. ფოტოზე დაღუპული პალესტინელი ბავშვებია ასახული, რომელთა ცხედრებსაც მამაკაცთა პროცესია ღაზას ქუჩებში მიასვენებს. მათ მკლავებზე გარდაცვლილი და-ძმა უსვენიათ, რომლებიც სუდარაში არიან გახვეულები. ფოტო 2012 წლის ნოემბერში, ებრაელი სამხედროების მიერ ღაზას დაბომბვის შემდეგ არის გადაღებული. ჰანსენის გადაღებული სურათი შვედურ გაზეთ Dagens Nyheter-ში დაიბეჭდა.
ჟიურის ერთ-ერთმა წევრმა, მაიუ მოხანამ, პერუდან, რომელმაც გამარჯვებული დაასახელა, აღნიშნა, რომ ფოტოზე ასახულია, თუ რას იწვევს მოზრდილთა რისხვა, რასაც უდანაშაულო ბავშვები ეწირებიან.
მთლიანობაში, 32 ქვეყნიდან 54 ფოტოგრაფი დაჯილდოვდა. გასულ წელს კი, იგივე კონკურსი ესპანელმა ფოტოგრაფმა მიიღო ფოტოსათვის, სადაც ქალი დაჭრილ ნათესავს ეხვევა.
