ჯანდაცვის ექს-მინისტრი ზურაბ ჭიაბერაშვილი გამოძიებამდასაქმების მაძიებელთა პროგრამის ირგვლივ დაკითხა. კერძოდ, გამოძიება დაინტერესდა პროგრამის მიზნებზე.
ჭიაბერაშვილის განმარტებით, გამომძიებლებს მის ხელთ არსებული ამომწურავი ინფორმაცია მიაწოდა.
"მე მივეცი განმარტებები, თუ როგორ განხორციელდა ეს პროგრამა და თვითონ გამოძიებაც ადასტურებს, რომ საკმაოდ მასშტაბური სამუშაოები ჩატარდა. თვითონ ამ პროგრამის ფარგლებში გამოძიების ჩატარება ჩემთვის ბევრ კითხვას აჩენს, კერძოდ, რაში სჭირდება ახალ ხელისუფლებას კითხვის ნიშნების დასმა იქ, სადაც არანაირი კითხვის ნიშანი არ არსებობს. ამის ნაცვლად ბიძინა ივანიშვილმა და მისმა მთავრობამ უნდა აიღოს ჩვენს მიერ გაკეთებული მონაცემთა ბაზა, პირველ რიგში დაასრულოს იგი, რადგან ის მხოლოდ 25 ქალაქშია. დაასრულოს მთელი ქვეყნის მასშტაბით და შექმნას სამუშაო ადგილები, რადგან ხალხი იყოს დასაქმებული", - აღნიშნა ჯანდაცვის ყოფილმა მინისტრმა.
ჭიაბერაშვილმა. ახალ ხელისუფლებას მოუწოდა, თავი დაანებოს პოლიტიკურ შანტაჟს და ოპონენტების დევნას.
ზურაბ ჭიაბერაშვილი ქუთაისში მდებარე დასავლეთ საქართველოს საოლქო პროკურატურის შენობაში მოწმის სახით ადვოკატის გარეშე ოთხსაათნახევარი იკითხებოდა.