დღეს, 13 თებერვალს, 18.00 საათზე ივ. ჯავახიშვილის სახელობის თბილისის სახელმწიფო უნივერსიტეტში დოკუმენტური ფილმის „თსუ გორდელას" პრეზენტაცია და ფოლკლორული ანსამბლის „თსუ გორდელას" სოლო კონცერტი გაიმართება.
დოკუმენტური ფილმი „თსუ გორდელა" ანსამბლის შემოქმედებას, ისტორიას შეეხება; ცნობილი პიროვნებები საკუთარ აზრს გამოთქვამენ „თსუ გორდელას" შემოქმედებაზე. ფილმის რეჟისორია რამაზ ბლუაშვილი, ოპერატორი - გიორგი ბაბილოძე.
ღონისძიებას თსუ-ს წარმომადგენლები და მოწვეული სტუმრები დაესწრებიან.