ავჭალაში არასრულწლოვანთა სასჯელაღსრულების დაწესებულება გაიხსნა. რეაბილიტირებული დაწესებულება სასჯელაღსრულების მინისტრმა სახალხო დამცველთან და არასამთავრობო და დონორი ორგანიზაციების წარმომადგენლებთან ერთად მოინახულა და მსჯავრდებულთა საცხოვრებელ და სასწავლო პირობებს გაეცნო.
სოზარ სუბარის განცხადებით, შენობა მთლიანად გარემონტდა, მოეწყო სასწავლო ოთახები, სპორტული დარბაზი და გრძელვადიანი პაემნების ოთახი.
მინისტრის თქმით, უახლოეს პერიოდში მიმდებარე ტერიტორიაზე ახალი შენობაც აიგება, სადაც სასწავლო დაწესებულება განთავსდება.