საქართველოსა და სამხრეთ კორეას შორის უახლოეს პერიოდში ურთიერთთანამშრომლობის ხელშეკრულება გაფორმდება. ქვეყნებს შორის ორმხრივი შეთანხმების მიხედვით ერთობლივი ძალისხმევით დახმარება გაეწევა ქართველი მეზღვაურების დასაქმებას და ქართული ფლოტის განვითარებას.
სამხრეთ კორეა გემთმფლობელობის რაოდენობის მიხედვით საზღვაო ქვეყნების მსოფლიო ხუთეულში შედის, ხოლო გემთშენებლობის კუთხით მსოფლიოში მეორე ადგილზეა.
აღსანიშნავია, რომ აჭარის მთავრობის თავმჯდომარე არჩილ ხაბაძე სამხრეთ კორეის რესპუბლიკის დელეგაციას უკვე შეხვდა, რომელიც სამხრეთ კორეის სახმელეთო და საზღვაო ტრანსპორტის სექტორის და საგარეო საქმეთა სამინისტროს წარმომადგენლებისგან შედგებოდა. დელეგაციის ჩამოსვლის მიზანი საქართველოსთან მჭიდრო ურთიერთობის დამყარება და ქართული საზღვაო სექტორის მხარდაჭერა იყო.
