კერძო საინვესტიციო ფონდში ბიძინა ივანიშვლიც კაპიტალიც ჩაიდება. როგორც დღეს პრემიერ-მინისტრმა ბიძინა ივანიშვილმა განაცხადა, ფონდში თანამონაწილეობაზე მას შეხვედრები ჰქონდა შეძლებულ ქართველ ბიზნესმენებთან.
„მე შეხვედრები მქონდა, შედარებით მდიდარ ქართველ ბიზნესმენებთან, რომელებიც ამ ფონდის შექმნაში მიიღებენ მონაწილეობას. ამ ფონდში ჩაიდება ჩემი კაპიტალიც, თუმც ამას არ ექნებათ ისეთი სახე, რომ ჩემთან რაიმე კავშირი გამოჩნდეს, მაგრამ დასამალი აქ არაფერი არ არის. ფონდი ისე იმართება, რომ ჩემთან არავითარი კავშირი არ ექნება, ფონდს მართავს საბჭო და იქ არავის კითხვები აღარ ექნება. დასამალი არაფერი მაქვს, რომ იქ ჩემი შესაძლებლობებიც გამოჩნდეს ჩემი სახელი გვარი", - განაცხადა ივანიშვილმა.
როგორც პრემიერ-მინისტრმა განაცხადა, ფონდი მხოლოდ მომგებიან პროექტებზე იქნება ორიენტირებილი. პრემიერ-მინისტრი არ აკონკრეტებს თუ რა მოცულობის თანხას განათავსებს ამ ფონდში.
