საქართველოს სუვერენული ფონდის შექმნა უკვე დაწყებულია. როგორც პრემიერ-მინისტრმა ბიძინა ივანიშვილმა განაცხადა, ამ ფონდის შექმნაში მონაწილეობას მიიღებს „ჯიპი მორგანი".
„მე შეხვედრა მქონდა მის პრეზიდენტთან დავოსშიც. საბოლოოდ შევჯერდით და საბოლოო პირობებიც ჩამოვაყალიბეთ. ეს ძალიან დიდი დამატებით სტიმულს მისცემს საქართველოს, ინვესტიციების მოზიდვაში. ეს ფონდი კეთდება საპარტნიორო ფონდის ბაზაზე, რომელსაც დღეს არავითარი დამატებითი გამოყენება არ აქვს, გარდა იმსა, რომ იმართება. ამ ყველაფერს კი ჩვენ მივეცით სწორი ფორმა და სწორი სახე, ისე როგორც ცივილიზებულ ქვეყნებშია ეს"- განაცხადა ივანიშვილმა. მისუვე განმარტებით ამ ფონდში შევა ასევე პატარა ფონდი, რომესაც „საქართველოს ახალგაზრდული ფონდი", ეწოდება.
"ეს არის ინოვაციური ფონდი, სადაც ახალგაზრდა მეცნიერებს საშუალება ექნებათ მიიღონ დამატებითი დაფინანსება და ინვესტიციები, იმისათვის რომ საკუთარი პროექტები განახორციელონ", - განაცხადა ივანიშვილმა.
პრემიერმა ასევე განმარტა, რომ იქნება მესამე ფონდი - კერძო საინვესტიციო ფონდი - "ეს გახლდათ ჩემი ძველი იდეა. ახლა აღვადგინე და ამასაც ვაფუძნებთ. ყველა უცხოელს და მათ შორის, საქართველოს მოქალაქეებსაც ვისაც სურვიული ექნება და ექნება გამართული, რენტაბელური პროექტი. ეს ფონდი უკვე გამზადებული პარტნიორი იქნება მისთვის. ეს განსაკუთრებით საინტერესო იქნება უცხოელებისათვის, რომლებიც ქვეყანას ცუდად იცნობენ. საინტერესო პროექტის შემნთხვევაში ფონდი თანადაფინანსებას გაუწევს 25%-დან 75 %-მდე. ამ ფონდის მოცულობა დაახლოებით 2 მილიარდი დოლარი იქნება",- განაცხადა ივანიშვილმა.