ქვეყანაში ფიტო და სანიტარული კონტროლი აღდგება. როგორც პრემიერ-მინისტრმა ბიძინა ივანიშვილმა დღევანდელ პრესკონფერენციაზე განაცხადა, აღდგება ფიტო და სანიტარული კონტროლი, რომელიც წინა ხელისუფლების დროს გაუქმდა.
„ძალიან ბევრი უხარისხო პროდუქცია შემოდის ძალიან გაუგებარ ფასებში. ამას კონტროლი დაუწესდება. ამ ყველაფრით გაიზარდა ონკოლოგიური დაავადებები და ასე შემდეგ. ფიტო და სანიტარული კონტროლის აღდგნით ქართულ ხარისხიან პროდუქციას უფრო მეტი გასავალი ექნება",- განაცხადა ივანიშვილმა.
