ფერმერებს სამომხმარებლო კრედიტებთან წვდომა უადვილდებათ. როგორც დღეს პრემიერ-მინისტრმა ბიძინა ივანიშვილმა განაცხადა, გლეხებს შესაძლებლობა ექნებათ 5-დან 100 ათას ლარამდე სამომხმარებლო კრედიტი აიღონ.
„ადრე საპროცენტო განაკვეთი მათთვის იყო 32 %-ი თუმცა ჩვენ ეხლა ვაწესებთ ჯანსაღ გადასახადს და იქნება 7-8%-ი", - განაცხადა პრემიერმა.
მისი განმარტებით, აღებული სესხის საპროცენტო განაკვეთიდან გლეხს მხოლოდ 7-8 %-ის გადახდა მოუწევს, ხოლო დანარჩენს ფონდი გადაიხდის.
ივანიშვილის განმარტებით, აღნიშნული „ქართული ოცნების" წინასაარჩევნო დაპირებებში არ ყოფილა, თუმც მთავრობამ მოახერხა და აღნიშნული პროგრამაც აამოქმედა.
პრემიერ-მინისტრი პირობას დებს რომ წელს უპრცენდენტო ხვნა-თესვა იქნება, ისევე როგორც დახმარება სახელმწიფოს მხრიდან.
როგორც ივანიშვილი განმარტავს, კრედიტებისათვის ეს იქნება მოკლე თუ გრძელვადიანი საშუალება იქნება რომ 700 მლნ ლარი გაიცეს.
„მანამ დავეხმარებით სოფელს ვიდრე წელში არ გაიმართება ქართველი გლეხი", - აღნიშნა ივანიშვილმა.