წლევანდელ ოლიმპიურ თამაშებში 82 ქვეყნის 5500 ათლეტი მიიღებს მონაწილეობას. ამასთანავე, წლევანდელ ოლიმპიადაში პირველად ითამაშებენ: განა, ბაჰამის კუნძულები და გაბონი. 15 სხვადასხვა სპორტის სახეობაში 86 ოქროს მედალი გათამაშდება.

სპეციალისტების შეფასებით წლევანდელი ოლიმპიადის ფავორიტიც გერმანია იქნება, გამომდინარე იქიდან, რომ წინა სამი ოლიმპიური თამაშები ამ უკანასკენლის ტრიუმფით დასრულდა.

21-ე ზამთრის ოლიმპიადაში ქართველი ათლეტი, ელენე გედევანიშვილიც მიიღებს მონაწიეობას. მისი ბოლოდროინდელი წარმატებების გამო ფიგურლ სრიალში იგი ერთ-ერთი ფავორიტი იქნება. მის გარდა ვანკუვერში რვა ქართველი სპორტსმენი გაემგზავრება. მათ შორის ოთარ ჯაფარიძე; ალისონ ლინ რიდი; იასონ აბრამიშვილი; ნინო წიკლაური და ნოდარ ქუმარიტაშვილი.

ამ დროისთვის საქართველოს პრეზიდენტი, მიხეილ სააკაშვილი კანადაში იმყოფება კულტურის მინისტრ, ნიკა რურუასთან და აჭარის ავტონომიური რესპუბლიკის მთავრობის თავმჯდომარე, ლევან ვარშალომიძესთან ერთად. გავრცელებული ინფორმაციით, აღნიშნული დელეგაცია ოლიმპიადის გახსნის ცერემონიასაც დაესწრება.

შეგახსენბთ, რომ ზამთრის ოლიმპიური თამაშები პიერ დე კუბერტენის ინიციატივით 1924 წლიდან ტარდება.