რუსეთის ფედერაციის მთავრობამ მხარი დაუჭირა პროექტს რუსეთსა და აფხაზეთს შორის პირდაპირი ავიამიმოსვლის აღდგენის შესახებ. ინფორმაციას ამის შესახებ რუსეთის მთავრობის პრესსამსახური ავრცელებს. შესაბამისი დოკუმენტი რუსეთის პრემიერ-მინისტრის ვლადიმერ პუტინის მიერაა ხელმოწერილი.
შესაბამისი შეთანხმების პროექტი ხელმოსაწერად რუსეთის ტრანსპორტის სამინისტრომ მოამზადა და რუსეთის საგარეო საქმეთა სამინისტროსთან შეათანხმა. თუმცა რუსული მედია ასევე აღნიშმნავს, რომ აღნიშნული შეთანხმება წინასწარ აფხაზური მხარის მიერ იყო შემუშავებული.
რუსეთის ფედერაციის მთავრობამ რუსეთის ტრანსპორტის სამინისტროს ამ დოკუმენტის აფხაზურ მხარესთან საბოლოოდ შეთანხმება დაავალა, რუსეთის სახელით. ამავე დროს რუსეთის ფედერაციის ტრანსპორტის სამინისტროს აქვს უფლება შეთანხმების წინასწარ ვარიანტში პრინციპული ხასიათის ცვლილებები შეიტანოს.
რუსული მედია ასევე აღნიშნავს, რომ რუსეთსა და აფხაზეთს შორის პირდაპირი საზღვაო მიმოსვლა 2009 წლის სექტემბერში განახლდა.
