რუსმა ოკუპანტებმა გალის რაიონის სოფელ ნაბაკევში 60-მდე ქართველი მშვიდობიანი მოსახლე დააკავეს.
დაკავებულია სამი ავტობუსი, ორი მიკროავტობუსი და სამი მსუბუქი ავტომანქანა. ისინი ზუგდიდის მიმართულებით საზღვრის გადაკვეთას ცდილობდნენ.
ოკუპანტებმა მგზავრები გაჩხრიკეს და ქართული პასპორტები წაართვეს. ბევრ მათგანს ფიზიკური შეურაცხყოფაც მიაყენეს.
რუსი ოკუპანტები ე.წ. საზღვრის გადაკვეთისათვის ჯარიმის სახით დიდი ოდენობით თანხის გადახდას ითხოვენ.
დაკავებულები ნაბაკევში, საოკუპაციო ჯარების ბაზაზე არიან გადაყვანილნი.
აფხაზეთის ლეგიტიმურმა ხელისუფლებამ ევროკავშირის მონიტორინგის მისია საქმის კურსში უკვე ჩააყენა.
