კომპანია "რომპეტროლის" ქსელში საწვავზე ფასები შემცირდა. "რომპეტროლის" მენეჯმენტის განცხადებით, კომპანიამ ფასები ქსელში წარმოდგენილ ხუთივე პროდუქტზე დაწია, პრემიუმ საწვავს კი მომხმარებელს საქართველოში ყველაზე დაბალ ფასში სთავაზობს.
"რომპეტროლის" ქსელში EURO SUPER-ი 8 თეთრით გაიაფდა და ამჟამად 2,25 ლარი ღირს, EFIX EURO PREMIUM-ს 6 თეთრი დააკლდა და მისი ფასი 2,16 ლარი გახდა, EURO REGULAR-ის ფასი 4 თეთრით შემცირდა და 2,05 ლარი შეადგინა, EFIX EURO DIESEL-ი კი 7 თეთრით გაიაფდა და მისი შეძენა 2,22 ლარადაა შესაძლებელი. გაიაფდა EURO DIESEL-იც და მისი ფასი ამჟამად 5 თეთრით ნაკლებს, 2,08 ლარს შეადგენს.
"პრემიუმ კლასის საწვავზე ამჟამად "რომპეტროლი" მომხმარებელს ბაზარზე ყველაზე დაბალ ფასებს სთავაზობს, ვინაიდან ჩვენ ვინარჩუნებთ მომხმარებლისათვის მაქსიმალური კომფორტისა და საუკეთესო პირობების შექმნის კურსს. ვიმედოვნებთ, რომ არაერთხელ მოგვეცემა საშუალება, მომხმარებელს ჩვენი პროდუქცია კიდევ უფრო მოსახერხებელი პირობებით შევთავაზოთ", - აცხადებს "რომპეტროლ საქართველოს" გენერალური დირექტორი ნურკენ მურზაგალიევი.
ტრანსნაციონალური კომპანია "რომპეტროლი" საქართველოს ბაზარზე შვიდ წელიწადზე მეტია მოღვაწეობს და სადღეისოდ ქვეყნის ნავთობბაზარზე ევროსტანდარტის საწვავის უმსხვილეს მომწოდებელს წარმოადგენს."რომპეტროლ ჯგუფის" მთავარი ოფისი ამსტერდამში მდებარეობს და ამჟამად მსოფლიოს სხვადასხვა ქვეყანაში 40-ზე მეტ კომპანიას აერთიანებს.
