"წერილი იუდას", - ამ სახელწოდების გზავნილს ბათუმელი სტუდენტები საქართველოს ყოფილ პრემიერ-მინისტრ ზურაბ ნოღაიდელს უგზავნიან.
მოძრაობა "სამართლიანი საქართველოსთვის" ლიდერის წინააღმდეგ ბათუმის უნივერსიტეტის სტუდენტებმა დღეს აქციაც გამართეს. ისინი ნოღაიდელისა და რუსეთის მმართველ პარტიებს შორის გაფორმებულ შეთანხმებას აპროტესტებდნენ.
"ძირს შიდა მტრები. საქართველოს ისტორიის ფეხქვეშ გათელვას და შიდამტრების მეშვეობით ჩვენი სამშობლოს სხვა ქვეყნისთვის გადაცემას არ დავუშვებთ", - აცხადებდნენ სტუდენტები.
ბათუმელმა ახალგაზრდებმა ნოღაიდელისადმი გაკუთვნის გზავნილს ხელიც მოაწერეს და ამით საკუთარი პროტესტი დააფიქსირეს.
შეგახსენებთ, რომ ნოღაიდელის მოძრაობასა და "ედინაია როსიას" შორის თანამშრომლობის შესახებ შეთანხმება 9 თებერვალს გაფორმდა.
