რუსეთის პრეზიდენტმა დიმიტრი მედვედევმა დღეს ტომსკში სტუდენტებთან შეხვედრისას განაცხადა, რომ ადრე თუ გვიან საქართველოს პრეზიდენტს მიხეილ სააკაშვილს 2008 წლის აგვისტოში "სამხრეთ ოსეთზე თავდასხმის გამო" პასუხისგება მოუწევს.
რუსული მედიის ინფორმაცით, ერთ ერთმა სტუდენტმა დიმიტრი მედვედევს კითხვა დაუსვა: "რატომ არ არის მიხეილ სააკაშვილი ამდენი ხანი სასამართლოსათვის გადაცემული? უბრალოდ, ეს უსამართლობაა: ყველას ასამართლებენ, ხოლო მიხეილ სააკაშვილს კი რომელმაც ჩვენი ხალხის ნამდვილი გენოციდი მოაწყო ყურადღებასაც კი არ აქცევენ?".
"როგორ უცნაურადაც არ უნდა მოგეჩვენოთ მე 100 % გეთანხმებით", _ განაცხადა მედვედევმა და დასძინა: "ყველა ადამიანმა პასუხი უნდა აგოს თავის საქციელზე. მას თავისი მიეზღვება. თუკი შენ, რაღაც ასეთი ჩაიდინე და თანაც პრეზიდენტის თანამდებობაზე ყოფნისას, შენ პასუხი უნდა აგო და ადრე თუ გვიან პასუხისმგებლობა დადგება. როგორი იქნება ეს პასუხისმგებლობა? _ ვფიქრობ, უპირველეს ყოვლისა ბატონმა სააკაშვილმა პასუხი თავისი ხალხის წინაშე უნდა აგოს, რომელიც მან ომში ჩაითრია და მსხვერპლი გამოიწვია. საბოლოო ჯამში კი ყოველივე ეს სახელმწიფოს დაშლამდე მივიდა", _ განაცხადა მედვედევმა.
მასალის გამოყენების პირობები
