სენაკში დევნილთა ორი რეაბილიტირებული საცხოვრებელი ობიექტი გაიხსნა.
იძულებით გადაადგილებული პირებისთვის ამჯერად ყოფილი სასტუმროები "ეგრისი" და "ეგრისი 2" გარემონტდა.
ღონისძიებას ლტოლვილთა და განსახლების მინისტრი კობა სუბელიანი, გაეროს ლტოლვილთა უმაღლესი კომისრის ოფისის ხელმძღვანელი საქართველოში პიტერ ნიკოლაუსი და ევროკავშირის ევროკომისიის დელეგაციის ხელმძღვანელი პერ ეკლუნდი დაესწრნენ.
აღნიშნული ობიექტები სრულად გარემონტდა და დევნილებს საკუთრებაში გადაეცათ. ორივე ობიექტში აფხაზეთიდან დევნილი 68 ოჯახი ცხოვრობს.
