აშშ-ის ხაზინის მდივნის მეორე მოადგილე ტერორიზმის უკანონო დაფინანსებისა და ფინანსური დანაშაულის საკითხებში ლუკ ბრონინი, ორდღიანი ვიზიტის ფარგლებში, საქართველოს მთავრობისა და ბიზნესის წარმომადგენლებს შეხვდა.
მხარეებმა ფულის გათეთრების წინააღმდეგ ბრძოლისა და კონტრტერორისტული ოპერაციების დაფინანსების საკითხები განიხილეს, აგრეთვე ხაზი გაუსვეს ირანის წინააღმდეგ დაწესებული საერთაშორისო სანქციების განუხრელი და ეფექტური განხორციელების მნიშვნელობას.
"მზარდი ფინანსური ზეწოლის ფონზე, ირანი შეეცდება, სანქციებისთვის თავის არიდების მიზნით, ახალი ურთიერთობები ეძებოს. ირანი ჭკვიანი და მატყუარაა. ფინანსური ინსტიტუტებისა და სხვა ორგანიზაციებისთვის, მათ შორის, აქ, საქართველოში, მნიშვნელოვანია, გააცნობიერონ სერიოზული რისკები, რომელიც ირანთან საქმიან ურთიერთობას უკავშირდება", - განაცხადა მან.
აღინიშნა, რომ აშშ-ისთვის ძვირფასია საქართველოსთან ურთიერთობა და აფასებს საქართველოს მთავრობის ძალისხმევას უკანონო ფინანსებთან ბრძოლის საქმეში.
კვირის დასაწყისში ბრონინმა შეხვედრები გამართა აზერბაიჯანის დედაქალაქ ბაქოშიც.
