დღეს, 12 დეკემბერს, 12:00 საათზე, საქართველოს სოფლის მეურნეობის მეცნიერებათა აკადემია აწყობს პრეზენტაციას თემაზე: "ქვეყანაში ვეტერინარული კეთილსაიმედოობის მიღწევა-შენარჩუნების და ეპიზოოტიებთან ბრძოლის ზოგადი კონცეფცია''. პრეზენტაციაზე განხილული იქნება სურსათის ეროვნული სააგეტოს უფლებამოსილი პირის მოხსენება საქართველოში ცხოველთა დაავადებული კერების შესახებ.
დისკუსის ძირითადი თემებია: ცხოველთა ჯანმრთელობის დაცვის ვეტერინალური ღონისძიებები, სეზონური წველადობის დაძლევის და პროდუქტიულობის ზრდის გზები, ხელოვნური განაყოფიერების მეთოდები, ცხოველთა კვების ახლებური მიდგომები, ფერმერთა კოოპერირების (გამსხვილების) მასტიმულირებელი მექანიზმები, პირუტყვთა სასაკლაოების ინფრასტრუქურა და სხვა. ასევე, განიხილება აღნიშნულ პრობლემათა გადაჭრის სტრატეგიისა და სამოქმედო გეგმის ჩამოყალიბების მიზნით, სამუშაო ჯგუფის შექმნის და კოორდინირების საკითხი სოფლის მეურნეობის სამინისტროსა და სოფლის მეურნეობის მეცნიერებათა აკადემიის მეშვეობით.
პრეზენტაციას დაესწრებიან საქართველოს სოფლის მეურნეობის სამინისტროს წარმომადგენლები, საქართველოს სოფლის მეურნეობის მეცნიერებათა აკადემიის წევრები და წევრ-კორესპონდენტები, აგრარული უნივერსიტეტის პროფესორ-მასწავლებლები, მეცნიერები, პრაქტიკოსი ვეტექიმები და ფერმერები.
