აჭარის მთავრობის თავმჯდომარესა და საქართველოში მოქმედი ბანკების რეგიონულ მმართველებს შორის დღეს მორიგი სამუშაო შეხვედრა გაიმართა. აჭარის ტელევიზიის ინფორმაციით, შეხვედრაზე საბანკო დავალიანებების შემსწავლელი კომისიის მუშაობის შედეგები შეაჯამეს.
კომისია მთავრობის თავმჯდომარის ინიციატივით ქობულეთში მცხოვრები კრედიტორების პრობლემების მოგვარების მიზნით შეიქმნა. არჩილ ხაბაძის განმარტებით, ამ ეტაპზე მიღწეულია შეთანხმება, რომელიც საბანკო დავალიანების მქონე პირების გამოსახლების პროცესის დროებით შეჩერებას გულისხმობს.
პრობლემატური ოჯახები კატეგორიების მიხედვით დაიყოფა და სახელმწიფო მხოლოდ იმ პირებს დაეხმარება, რომლებსაც სააღსრულებო ბიუროსგან უწყება უკვე მიუვიდათ და უსახლკაროდ დარჩენის საფრთხე ემუქრებათ. კრედიტორების საშეღავათო პირობები სქემის მიხედვით განისაზღვრება.
