რეგიონული განვითარებისა და ინფრასტრუქტურის მინისტრის პირველმა მოადგილემ თენგიზ შერგელაშვილმა მუნიციპალური განვითარების ფონდის თანამშრომლებს ახალი ხელმძღვანელი წარუდგინა. მუნიციპალური განვითარების ფონდის ახალ აღმასრულებელ დირექტორად ელგუჯა ხორკიშვილი დაინიშნა.
ეკონომიკურ და სოციალურ მეცნიერებათა დოქტორი ელგუჯა ხორკიშვილი იყო ფონდ "ღია საზოგადოება - საქართველოს" და GOPA კონსულტინგის (გერმანია) ექსპერტი, კითხულობდა ლექციებს ილიას სახელმწიფო უნივერსიტეტში. სხვადასხვა პერიოდში მოღვაწეობდა გერმანიაში, სადაც თანამშრომლობდა ბერლინისა და პოტსდამის უნივერსიტეტებთან. ხორკიშვილს განათლება გერმანიაში აქვს მიღებული და არის არაერთი კვლევისა და სამეცნიერო ნაშრომის ავტორი ეკონომიკისა და ფინანსების სფეროში.