ამერიკის შტატ ვაშინგტონში ძალაში შევიდა შესწორება კანონში, რომელიც შტატის მოსახლეობას უფლებას აძლევს მარიხუანა მოიხმარონ. ინფორმაციას ამის შესახებ ამერიკული სააგენტო The Huffington Post-ი ავრცელებს. შესწორების თანახმად, შტატ ვაშინგტონის მცხოვრებლებს, რომლებიც 21 წელზე უფროს ასაკის არიან, აქვთ უფლება, მარიხუანა მოიხმარონ და თან ჰქონდეთ არა უმეტეს ერთი უნციისა ან 28,3 გრამისა.
"მიუხედავად ამისა, მარიხუანას გაყიდვა კვლავინდებურად აკრძალულია. ამასთან ერთად, მარიხუანას საჯარო მოწევაზე გათვალისწინებულია ჯარიმა. პოლიცია მიიჩნევს, რომ სურვილის შემთხვევაში თქვენ მარიხუანა სახლში უნდა მოწიოთ", - წერს სააგენტო.
ამასთან, მარიხუანა ფედერალური კანონების ფარგლებში კანონგარეშე რჩება. ეს კი იმას ნიშნავს, რომ ფედერალურმა აგენტებმა, შესაძლოა, მარიხუანის შენახვისათვის ადამიანები დააატიმრონ.
ამას გარდა, ამავე შტატში ძალაში შევიდა კანონი, რომლის მიხედვითაც ერთსქესიანთა ქორწინების რეგისტრაცია ნებადართული ხდება. "ეს ისტორიული დღეა ვაშინგტონისთვის. ჩვენ ამისკენ მრავალი წლის განმავლობაში მივდიოდით. ახლა კი ბოლო ნაბიჯი გადავდგით სქესთა ქორწინების თანასწორუფლებიანობისკენ", - აცხადებს ვაშინგტონის შტატის გუბერნატორი კრის გრეგორი.
