კაიროში ჯავშანტექნიკა შეიყვანეს, პრეზიდენტის სასახლეს კი სამხედროები გაძლიერებულად იცავენ. პრეზიდენტის სასახლის დაცვის გაძლიერება მას შემდეგ გახდა საჭირო, რაც პრეზიდენტ მურსის მომხრეებსა და მოწინააღმდეგეებს შორის შეტაკება მოხდა, რომლის დროსაც სამი ადამიანის დაიღუპა და 350 ზე მეტი დაიჭრა.
"ბი-ბი-სის" ინფორმაციით, ამჟამად ეგვიპტის დედაქალაქში სიმშვიდეა, თუმცა დილიდან, პრეზიდენტის სასახლესთან პრეზიდენტის მომხრეები მისი მოწინააღმდეგეების დარბევას შეეცადნენ. ისინი მათ ქვებსა და ასაფეთქებელ ნივთიერებებს ესროდნენ.
ოპოზიციის ლიდერები ძალადობის ასეთ გაღვივებას მოძრაობა "ძმებ-მუსულმანებს" აბრალებენ. ამ ისლამისტური მოძრაობის მომხრეებმა პრეზიდენტის მომხრეებზე თავდასხმა გუშინ დაიწყეს.
ეგვიპტის ოპოზიცია თავშეკავებული პროტესტის გამოხატვის მომხრეა. მათ მოაწყვეს მჯდომარე აქცია და ასევე მრავალათასიანი დემონსტრაცია პრეზიდენტის სასახლესთან, სადაც ახალი კონსტიტუციის შესახებ რეფერენდუმის ჩატარება და პრეზიდენტ მურსის უფლებამოსილების გაზრდა გააპროტესტეს.
მასალის გამოყენების პირობები
