შს გურჯაანის სამმართველოს თანამშრომლებმა 15 წლის მოზარდს ი. ს-შვილს თავისუფლება უკანონოდ აღუკვეთეს. ბავშვის ზუსტი ადგილსამყოფელი უცნობია. ამ ინფორმაციას ადამიანის უფლებათა ცენტრი ავრცელებს. უფლებადაცვითი ორგანიზაცია მომხდართან დაკავშირებით რეაგირებას საქართველოს პროკურატურისგან ითხოვს.
ადამიანის უფლებათა ცენტრის კახეთის კოორდინატორის გელა მთივლიშვილის განცხადებით, პოლიციამ მოზარდი გუშინ, დაახლოებით 14:00 საათისთვის დააკავა. გამომძიებელმა დაკავებული ქურდობის ფაქტზე მოწმის სტატუსით ისე დაკითხა, რომ ბავშვის მოთხოვნის მიუხედავად მისი დაკავების თაობაზე მშობლებისთვის არ უცნობებიათ. ამასთან, სს საქმეში ამ დრომდე არ არის მოზარდის ეჭვმიტანილად ცნობის ოქმი, თუმცა გუშინ საღამოდან ის კახეთის დროებითი მოთავსების ერთ-ერთ იზოლატორშია მოთავსებული. მშობლებმა ბავშვის ზუსტი ადგილსამყოფელი არ იციან. დაკავებული არასრუწლოვანის საქმეში არ არის ჩართული ადვოკატი.
შს გურჯაანის სამმართველოში დაადასტურეს, რომ დაკავებულ ი. ს-შვილს ამ დრომდე მოწმის სტატუსი აქვს.
.
