"ქრისტიან-დემოკრატები" ანტიმონოპოლიური სამსახურის ჩამოყალიბებას ითხოვენ. აღნიშნულ ინიციატივას პარტიის ლიდერი გიორგი თარგამაძე დღეს დაგეგმილ პრესკონფერენციაზე გაახმოვანებს.
როგორც თარგამაძე აცხადებს, ქვეყანაში არაკონკურენტუნარიანი ბიზნესგარემოა, რაც ანტიმონოპოლიური სამსახურის გაუქმების შედეგია.
"ანტიმონოპოლიური სამსახური წლების წინ გაუქმდა. შედეგად მივიღეთ არაკონკურენტუნატიანი ბიზნესგარემო და მომხმარებელთა დაუცველი უფლებები. შეიქმნა ხელოვნური მონოპოლია. ამიტომაც, გვინდა კიდევ ერთხელ შევახსენოთ მთავრობას ის დადებითი ფაქტორები, რომელიც ანტიმონოპოლიური სამსახურის ფუნქციის მატარებელი სტრუქტურის არსებობას ახლდა", - აცხადებს თარგამაძე.
