საფრანგეთის ექს-პრეზიდენტს ნიკოლა სარკოზის სასამართლოს წინაშე წარდგომა მოუწევს. სარკოზიმ პასუხი უნდა გასცეს კითხვებს, თუ ვინ აფინანსებდა მის საპრეზიდენტო კამპანიას 2007 წელს.
ბორდოს სასამართლოს წინაშე სარკოზის მოუწევს განმარტოს, 2007 წელს მართლაც მიიღო თუ არა დამხმარება საფრანგეთის ყველაზე მდიდარი ქალისგან, L'Oreal მფლობელ ლილიან ბეტანკურისგან.
ამ საქმის გამოძიების ფარგლებში საფრანგეთის პოლიციამ მიმდინარე წლის ივლისში ჩხრეკა ჩაატარა სარკოზის ყოფილ სახლში პარიზში. ასევე, მის ოფისებში.
სარკოზი, რომელმაც საპრეზიდენტო ხელშეუხებლობის იმუნიტეტი მიმდინარე წლის მაისში დაკარგა, მისი მხრიდან უკანონო ქმედებებს გამორცხავს.
უნდა აღინიშნოს, რომ ნიკოლა სარკოზი აპირებს 2017 წელს კვლავ იბრძოლოს საფრანგეთის პრეზიდენტის პოსტისთვის.
თუმცა შეძლებს თუ არა იგი მომავალში კვლავ აღმოჩნდეს საფრანგეთის ხელისუფლების სათავეში ბევრადაა დამოკიდებული იმ გადაწყვეტილებაზე, რომელსაც ბორდოს სასამართლო მიიღებს. სარკოზის საპრეზიდენტო კამპანიასთან დაკავშირებით, მედიაში არაერთი ინფორმაცია გავრცელდა სადამ ჰუსეინის გარემოცვის, კერძოდ კი მისი შვილის განცხადებების საფუძველზე. ჰუსეინის ვაჟი ამტკიცებდა, რომ სადამი რამდენიმე მილიონით დაეხმარა სარკოზის, რათა იგი საფრანგეთის პრეზიდენტი გამხდარიყო. თუმცა გამოძიება ამ მიმართულებით არ ჩატარებულა.