ისრაელი დათანხმდა ღაზის სექტორში საბრძოლო მოქმედებების შეწყვეტას, მაგრამ წინააღმდეგია ბლოკადა მოხსნას. ამის შესახებ ცნობილი გახდა ქაიროში გამართული პრესკონფერენციის მიხედვით, რომელიც აშშ-ის სახელმწიფო მდივანმა ჰილარი კლინტონმა და ეგვიპტის საგარეო საქმეთა მინისტრმა მუჰამედ ამურმა გამართეს. ცეცხლის შეწყვეტის გარანტად აშშ და გევიპტე გამოვიდნენ.
ისრაელის პრემიერ-მინისტრის ბენიამინ ნეთანიაღუს კანცელარიის წარმომადგენელთა განცხადებით, პრემიერსა და აშშ-ის პრეზიდენტს შორის გამართული სატელეფონო საუბრის შემდეგ ისრაელი დათანხმდა ცეცხლის შეწყვეტას.
აშშ-ის პრეზიდენტმა ბარაკ ობამამ მაღალი შეფასება მისცა ისრაელის მზადყოფნას ჰამასთან ცეცხლის შეწყვეტის შეთანხმების თაობაზე. ობამამ ცალსახად გამოხატა თავისი მხარდაჭერა ისრაელის უსაფრთხოების მიმართ.
ეგვიპტის პრეზიდენტის მუჰამედ მუსრის პრესსპიკერის განცხადებით, ეგვიპტე ცეცხლის შეწყვეტის გარანტი იქნება.
შეთახმება ცეცხლის შეწყვეტის შესახებ ადგილობრივი დროით 21:00 სათიდან (თბილისის დროით 23:00 სთ) შევიდა ძალაში.
შეგახსენებთ, რომ ბოლო დღების განმავლობაში ღაზას სექტორსა და ისრაელს შორის მინდინარე დაპირისპირებას რამდენიმე ათეული ადამიანი ესხვერპლა. დაჭრილია სამასზე მეტი ადამიანი.