აშშ-მა ირანის წინააღმდეგ ცალმხრივი საქციების ახალი პაკეტი დაამტკიცა. მისი ფორმულირებაა "ადამიანის უფლებების დარღვევის, მასობრივი განადგურების იარაღის და ტერორიზმის მხარდაჭერისთვის". აშშ-ის სახელმწიფო დეპარტამენტისა და ფინანსთა სამინისტროს ინფორმაციით, სადამსჯელო ღონისძიებები შეეხო 17 ფიზიკურ და იურიდიულ პირს.
მათ შორის არიან კავშირგაბმულობისა და საინფორმაციო ტექნოლოგიების მინისტრი რეზა ტაგიპური, ირანის კულტურის სამინისტრო და მას დაქვემდებარებული პრესაზე ზედამხედველობის სამსახური, ირანის ნავთობის ნაციონალური კომპანია, ქვეყნის მართლწესრიგის დაცვის ძალების უფროსი ისლამ აჰმადი მოჰამედი.
შავ სიაში ასევე მოხვდნენ, სახალხო ლაშქრის ძალების მეთაურის მოადგილე ალი ფაზლი, ერაყში მოქმედი და ირანის მიერ მხარდაჭერილი დაჯგუფება "ჰატაიბ ჰეზბოლას" ლიდერი კარიმ ჯაფარ მუჰსინ ალ-ჰამინი და მისი ორი თანამებრძოლი. ასევე სხვა პირები, რომლებიც დაკავშირებულნი არიან სხვადასხვა შეიარაღებულ დაჯგუფებებთან.
სიაში აღმოჩნდა თეირანის იმამ ჰუსეინის სახელობის უნივიერსიტეტი და სამედიცინო უნივერსიტეტი. სხვა დაწესებულებები და ფიზიკური პირები.
საქციების მიხედვით, "შავ სიაში" მოხვედრილ ფიზიკურ პირებს ეკრძალებათ აშშ-ში ჩასვლა. მათი და სიაში მოხვედრილი კომპანიების და ფიზიკური პირების აშშ-სთვის ხელმისაწვდომი აქტივები გაიყინება.
მასალის გამოყენების პირობები