კომპანიის ინფორმაციით, ხელისუფლების ცვლილების შემდეგ საქართველოში ბიზნესი ტერორისგან გათავისუფლდა და განვითარების პერსპექტივა გაჩნდა, ამიტომ ტექნიკის ბაზარზე ყველაზე დიდი არჩევანითა და ყველაზე დაბალი ფასებით გამორჩეული კომპანია „ტექნო ბუმი" განვითარების ახალ ეტაპზე გადადის.
მენეჯმენტის განცხადებით, კომპანიამ ხუთწლიანი ბიზნეს-გეგმა და სამომავლო განვითარების ახალი სტრატეგია უკვე შეიმუშავა, ბანკებს შორის „ტექნო ბუმი" საიმედო და ძირითად პარტნიორად "ვითიბი ბანკ ჯორჯიას" მიიჩნევს. სწორედ ამიტომ, „ვითიბი ბანკსა" და "ტექნო ბუმს" შორის ხუთი მილიონი დოლარის ოდენობის გენერალურ ხელშეკრულებას მოეწერა ხელი. სს „ვითიბი ბანკი ჯორჯია"-დან მოზიდული საკრედიტო რესურსი კომპანიას სასაქონლო მარაგების გაზრდის შესაძლებლობას მისცემს.
განსაკუთრებული სიახლეები „ტექნო ბუმში" ნოემბერიდან დაიწყება და ეტაპობრივად ახალ პროექტებს გავაცნობთ მომხმარებლებს. გავაგრძელებთ ჩვენს ძირითად სტრატეგიას და მომხმარებელს მსოფლიო ბრენდების ტექნიკის ყველაზე დიდ არჩევანთან ერთად ყველაზე დაბალი ფასის გარანტიით კვლავაც დავაზღვევთ"- აცხადებენ მენეჯმენტში.
ამჟამად "ტექნო ბუმის" ცენტრები თბილისში ,ბათუმში, გორში, ზესტაფონში და ქუათაისშია განთავსებული.