სოფლის მეურნეობის მინისტრ დავით კირვალიძის განმარტებით, თუ უკრაინა ხორბლის ექსპორტზე გარკვეულ შეზღუდვებს დააწესებს, ამით ქართულ მხარეს ხორბლის მომარაგების კუთხით პრობლემები არ შეექმნება.
როგორც სააგენტო "ჯი-ეიჩ-ენთან" საუბრისას სოფლის მეურნეობის მინისტრმა განაცხადა, უკრაინის გარდა, არსებობს სხვა ბაზრები, მაგალითად, ყაზახეთი და ამერიკა და საქართველოს თავისუფლად შეუძლია ამ ქვეყნებიდან, საჭიროების შემთხვევაში, ხორბლის იმპორტი აწამოოს.
მინისტრის თქმით, დღეისთვის ქვეყანაში ხორბლის საკმარისი მარაგებია და სასურსათო უსაფრთხოების მხრივ ქვეყანას რაიმე პრობლემა არ ემუქრება, თუმცა მინისტრმა არ გამორიცხა, რომ საჭიროების შემთხვევაში უკრაინული ხორბლის იმპორტზე მოლაპარაკებები უკრაინულ მხარესთანაც გაიმართოს.