ენერგეტიკისა და ბუნებრივი რესურსების სამინიტროში ფინანსური კუთხით გარღვევები არ არის. ამის შესახებ მინისტრის კახა კალაძემ განაცხადა.
"ფინანსური კუთხით უნდა აღვნიშნო რომ ნორმალური სიტუაცია დამხვდა. წინასწარი ინფორმაციით რაიმე გარღვევებს ადგილი არ ჰქონია", - განაცხადა კალაძემ.
კალაძე ენერგოსისტემაში არსებულ სიტუაციაზე პრემიერ-მინისტრ ბიძინა ივანიშვილთან სამუშაო შეხვედრაზე დღეს ისაუბრებს.
"პრემიერ-მინისტრს უნდა წარვუდგინო ბიუჯეტი, რომელიც დამხვდა, ასევე მინდა ვესაუბრო ენერგოსისტემაში არსებულ სიტუაციაზე და იმაზე, თუ რა მდგომარეობაში იქნება ეს სისტემა ზამთრისთვის", - განაცხადა კალაძემ.
მისივე თქმით, ფინანსურ სიტუაციასთან დაკავშირებით უკვე არსებობს სახელმწიფო აუდიტის სამსახურის დასკვნა, თუმცა მინისტრს მიაჩნია, რომ აუცილებელია გარე აუდიტის ჩატარებაც.