29 ოქტომბერს,14:00 სთ-ზე პროკურატურის შენობასთან ბრიფინგი გაიმართება, სადაც გენერალური პროკურორის ყოფილი მოადგილის, ამჟამად პარლამენტის წევრის დავით საყვარელიძის, გორის რაიონის პროკურორის გიორგი ჭანტურიძის და შიდა ქართლში პრეზიდენტის ყოფილი რწმუნებულის, მოგვიანებით სპორტისა და ახალგაზრდობის საქმეთა მინისტრის ლადო ვარძელაშვილის კრიმინალური ქმედებების შესახებ გაკეთდება განცხადება. ამის შესსახებ "ჯი-ეიჩ-ენს" ადვოკატმა ედიშერ ქარჩავამ განუცხადა.
მისი თქმით ბრიფიგს ჩაატარებს ბიზნესმენი, პოლიტიკური ნიშნით რეპრესირებული პირი.
"მისი ვინაობის დასახელებისგან ბრიფინგის დაწყებამდე თავს შევიკავებ ", - განუცხადა "ჯი-ეიჩ-ენს" ქარჩავამ.
მისი თქმით, ბრიფინგზე გაკეთდება დასაბუთებული განცხადება დავით საყვარელიძის, გიორგი ჭანტურიძის და ლადო ვარძელაშვილის კრიმინალური ქმედებების შესახებ.
"ბრიფინგის დასრულების შემდეგ მედიას დამატებით მტკიცებულებად გადაეცემა შესაბამისი დოკუმენტაცია", - განაცხადა ქარჩავამ.
შესაბამისი განცხადებები შევა იუსტიციის სამინისტროში და მთავარ პროკურატურაში.
