ინდონეზიის პოლიციამ 11 ადამიანი დააკავა, რომლებიც ეჭვმიტანილნი არიან ჯაკარტაში აშშ-ის საელჩოსა და სხვა დაწესებულებების აფეთქების მცდელობაში.
პოლიციამ ოპერაცია ჯაკარტასა და კუნძულ იავას სამ ქალაქში ჩაატარა.
პოლიციის გენერალ-მაიორის სუხადრი ალიუსის განცხადებით, დაკავებულებისგან ამოღებულია ასაფეთქებელი მოწყობილობები, მათი დამზადების სახელმძღვანელოები, ასევე ასაფეთქებელი ნივთიერებები.
მისივე თქმით, დაკავებულები ამ დრომდე უცნობი, "ჰამსის"დაჯგუფების წევრები არიან.
