ალ-ქაიდას ლიდერმა აიმან ზავახარიმ მუსულმანებს დასავლეთის ქვეყნების მოქალაქეების გატაცებისკენ მოუწოდა.
SITE -ს ინფორმაციით, რომელიც ისლამისტური საიტების მონიტორინგს ატარებს, ზავახარიმ თანამებრძოლებისადმი ორსაათიანი მიმართვა გაავრცელა.
"ჩვენ მოვიწოდებთ მუსულმანებს, გაიტაცონ იმ ქვეყნების მოქალაქეები, რომლებიც მუსულმანებს ებრძვიან, რათა ამით ხელი შევუწყოთ ტყვედ მყოფი თანამოძმეების გათავისუფლებას" - განაცხადა ზავახარიმ.
მან ასევე მოუწოდა თავის მომხრეებს, გააგრძელონ რევოლუცია ეგვიპტეში შარიათის კანონების შემოღებამდე. ასევე შეუერთდნენ სირიელ ამბოხებულებს, რომლებიც ბაშარ ასადის წინააღმდეგ იბრძვიან.
