19-21 ოქტომბერს, გამოფენების ცენტრ "ექსპო ჯორჯიაში" გაიმართა ავტომობილების, ავტობიზნესის, სათადარიგო ნაწილებისა და ავტოაქსესუარების მე-8 საერთაშორისო თემატური გამოფენა Tbilisi Auto Show 2012. გამოფენაში მონაწილეობა მიიღეს სხვადასხვა ქვეყნის წარმომადგენლებმა: საქართველო, თურქეთი, აზერბაიჯანი, რუსეთი, უკრაინა, გერმანია, პოლონეთი. გამოფენაზე „თეგეტა მოტორსი" დამთვალიერებლის წინაშე 24 ბრენდით წარსდგა. საგამოფენო ცენტრის ტერიტორიაზე კი თეგეტა მოტორსის შვილობილმა კომპანიამ, „მაზდა ცენტრი თბილისის" წარმომადგენლობამ, მაზდას ავტომობილების 2012 წლის მოდელები: Mazda3; Mazda6; Mazda CX7 და Mazda CX9 სპეციალურ ფასად წარმოადგინა.
„თეგეტა მოტორსის" მხრიდან გამოფენაზე სტუმრად იმყოფებოდნენ ჩვენი პარტიორი, მსოფლიოში წამყვანი ბრენდების წარმომადგენლები სხვადასხვა ევროპული ქვეყნებიდან, ვისთანაც უშუალოდ გასაუბრების საშუალება ჰქონდა ყველა დაინტერესებულ სტუმარს.
„თეგეტა მოტორსი" გამოფენაზე წარმოდგენილი საბურავების, საავტომობილო ზეთების, აკუმულატორების, დანადგარებისა და სათადარიგო ნაწილების შემდეგი ბრენდები: Bridgestone, Michelin, Shell, Motul, Varta, Philips, ZF, Hengst, Faber, Landirenzo, Federal Mogul, KYB, Corteco, Thermo King, Webasto, Febi, Dayco, Ista, Daewoo, Petlas/Starmaxx, Maxxis, Top-Tul, Usag. ავტოსერვისებს, დეველოპერებს, ტურისტულ და სატრანსპორტო კომპანიებს, ავტოპარკის მქონე ორგანიზაციებს და სხვა დაინტერესებულ სტუმრებს საშუალება ქონდათ დაეთვალიერებინათ კომპანიის მიერ წარმოდგენილი უცხოური ბრენდები და მიეღოთ საინტერესო შეთავაზებები.
„თეგეტა მოტორსის" საგამოფენო სივრცეში დაინტერესებული მომხმარებლისთვის მეტი კომფორტის შექმნის მიზნით სპეციალურად იყო მოწყობილი მოსასვენებელი ადგილი, სადაც სტუმრებს საშუალება ქონდათ დაეგემოვნებინათ ტკბილეული და მიეღოთ სხვადასხვა სახის ბრენდირებული საჩუქრები.
წელს „თეგეტა მოტორსი" ორგანიზატორებმა ორ ნომინაციაში გამოარჩიეს: „პროდუქციის ფართო ასორტიმენტი" და „საუკეთესო დიზაინი"
„თეგეტა მოტორსმა" აღნიშნულ გამოფენაში უკვე მერვედ მიიღო მონაწილეობა.
