,,ჩვენი მეგობრობა არის ქართველ ხალხთან და არა რომელიმე პოლიტიკურ პარტიასთან", -განაცხადა ევროკავშირის საგარეო საკითხებში გენერალური მდივნის წარმოადგენელმა ჰელგა შმიდტმა ,,რადისონში" გამართულ პრესკონფერენციაზე.
მისივე განცხადებით, ევროკავშირი კოფლიქტის მოგავრების საკითხში საქართველოს დახმარებას აგრძელებს.
,,ჩვენი მეგობრობა არის ქართველ ხალხთან და არა რომელიმე პოლიტიკურ პარტიასთან. დარწმუნებული ვარ, რომ კიდევ უფრო გავაღრმავებთ ჩვენს მრავალფეროვან ურთიერთობებს უახლოეს წლებში. კიდევ ერთხელ ხაზი მინდა გავუსვა ერთ მნიშვნელოვან საკითხს ევროკავშირის უწყვეტ მხარდაჭერას საქართველოს ტერიტორიული მთლიანობისათვის. ჩვენი გზავნილი არის შემდეგი, რომ ევროკავშირი კვლავაც აქტიურად იქნება ჩართული კოფლიქტის მოგავრებასა და სტაბილიზაციის ძალისხმევაში", -განცხადა ჰელგა შმიდტმა.
შეგახსენებთ, რომ ევროკავშირის გაფართოებისა და ევროპული სამეზობლო პოლიტიკის საკითხებში ევროკომისარმა შტეფან ფულემ და საგარეო საკითხებში გენერალური მდივნის წარმოადგენელმა ჰელგა შმიდტმა საქართველოში ვიზიტის ფარგლებში შეხვედრები გამართეს აღმასრულებელ და მომავლი ხელისუფლების წარმომადგენლებთან.