ნატოს გენერალური მდივნის სპეციალურმა წარმომადგენელმა კავკასიასა და ცენტრალურ აზიაში ჯეიმს აპატურაიმ იმედი გამოთქვა, რომ საქართველო 2014 წლის შემდეგაც გააგრძელებს ავღანეთის დახმარებას. როგორც ჟურნალისტებთან აპატურაიმ გრიგოლ ვაშაძესთან შეხვედრის დასრულების შემდეგ განაცხადა ავღანეთის ISAF ოპერაციაში საქართველოს მონაწილეობა მნიშვნელოვანია.
,,ვლაპარაკობ იმედისა და ვარაუდის დონეზე, რომ 2014 წლის შემდეგ ავღანეთში საქართველოს კონტრიბუცია განხორციელდება, რადგან საქართველოს კონტრიბუცია მნიშვნელოვანია მანამდე სანამ ავღანეთი შეძლებს მარტო მუშაობას", _ განაცხადა აპატურაიმ.
შეგახსენებთ, რომ ავღანეთში ISAF ოპერაცია 2014 წელს სრულდება. საქართველო ამ ოპერაციაში 2009 წლის ნოემბრიდან მონაწილეობს.