აპატურაისთან შეხვედრისას ვისაუბრებთ, თუ როგორ უნდა მოხდეს ნატოსთან უფრო ახლოს მისვლა, _ განაცხადა ჟურნალისტებთან ევროპულ და ევროატლანტიკურ სტრუქტურებში სახელმწიფო მინისტრობის კანდიდატმა ალექსი პეტრიაშვილმა ჯეიმს აპატურაისთან შეხვედრის დროს განსახილველი საკითხების კომენტირებისას.
"მოხდება პრიორიტეტების კონკრეტიკა. იქნება კონკრეტული საუბარი, თუ რა გზები, რა გეგმები და ამოცანებია განსახორციელებელი იმისათვის, რომ კიდევ უფრო ახლოს მოხდეს ნატოსთან მისვლა და საბოლოო ჯამში ეს გადაწყვეტილებით დაგვირგვინდეს საქართველოს ნატოს წევრობის შესახებ", - განაცხადა პეტრიაშვილმა.
შეგახსენებთ, რომ საქართველოში ვიზიტის ფარგლებში აპატურაი მოქმედი და მომავალი აღმასრულებელი ხელისუფლების წარმომადგენლებს შეხვდება.
