,,ხელისუფლების მშვიდობიანად გადაცემა საქართველოში წარმატებულად გატარებული რეფორმების შედეგია", _ განაცხადა ჟურნალისტებთან ნატოს გენერალური მდივნის სპეციალურმა წარმომადგენელმა კავკასიასა და ცენტრალურ აზიაში ჯეიმს აპატურაიმ საქართველოს საგარეო საქმეთა მინისტრის მოვალეობის შემსრულებელ გრიგოლ ვაშაძესთან შეხვედრის დასრულების შემდეგ.
,,მინდა მივულოცო მთელს საქართველოსა და ქართველ ხალხ, რომ საქართველოში ხელისუფლების შეცვლა მოხდა არჩევნების გზით. საქართველო არის ნორმალური ქვეყანა და ხელისუფლების გადაცემა ხდება კანონის განსაზღვრული ნორმების დაცვით. ეს არის შედეგი იმ წარმატებული რეფორმებისა, რომელიც წლების განმავლობაში საქართველოში განხორციელდა და ახლაც ხორციელდება", -განაცახადა აპატურაიმ.
მისივე განცხადებით, ნატო საქართველოსთან ურთიერთობას კვლავ აგრძელებს და ერთგული რჩება ბუქარესტის სამიტზე მიღწეული შეთანხმების.
"ნატო ერთგული რჩება ნატო-საქართველოს ურთიერთობისა და ბუქარესტის გადაწყვეტილების, რომ საქართველო აუცილებლად გახდება ნატოს წევრი", -განაცხადა აპატურაიმ, რომელმაც გრიგოლ ვაშაძეს ამ წლების განმავლობაში განხორციელებული დიპლომატიური სამსახურისთვის მადლობა გადაუხადა.
შეგახსენებთ, რომ საქართველოში ვიზიტის ფარგლებში ჯეიმს აპატურაი აღმასრულებელ ხელისუფლებისა და ახალი მთავრობის წარმომადგენლებს შეხვდება. Aაპატურაი უკვე შეხვდა საქართველოს უშიშროების საბჭოს მდივანს გიგა ბოკერიას. Aასევე Dდაგეგმილია შეხვედრა მიხეილ სააკაშვილთან და ბიძინა ივანიშვილთანაც.