"შინაგან საქმეთა მინისტრი მერაბიშვილი რომ ყოფილიყო, ეს არ მოხდებოდა, - აცხადებს გაზეთი "რეზონანსისთვის" მიცემულ ინტერვიუში იჩქერიის პირველი პრეზიდენტის, ჯოხარ დუდაევის დისშვილი უამარ იდიგოვი, რომელიც ლოპოტის ხეობაში მომხდარზე საუბრობს.
მისი თქმით, ახალგაზრდებს ბაჩო ახალაიამ მისცა იარაღი.
"არა, ვანო პოლიტიკური პიარისთვის ასეთ რამეს არ გააკეთებდა. ბაჩო და დათა ახალაიებმა კი გააკეთეს", - აცხადებს უამარ იდიგოვი და აღნიშნავს, რომ მათთვის მნიშვნელოვანი მხოლოდ ის იყო, „როგორ დაიცვა სააკაშვილმა ხეობა ტერორისტებისგან" და „როგორ მოიგეს".
"მათ იფიქრეს, რომ პანკისში ჩვენს ძმებთან დაკავშირებით ეს ყველაფერი დაიფარებოდა და ვერ გამჟღავნდებოდა. აკი ამიტომაც დახოცეს მოწმეები".