საქართველოში მიმდინარე მოვლენებს ყველა ყურადღებით ადევნებს თვალს, _ განაცხადა ჟურნალისტებთან ნატოს გენერალური მდივნის სპეციალურმა წარმომადგენელმა კავკასიასა და ცენტრალურ აზიაში ჯეიმს აპატურაიმ.
მისივე განცხადებით, საქართველოში ჩატარებული არჩევნები გამოცდა იყო, რომელიც ქვეყანამ წარმატებით ჩააბარა.
,,ჩატარებული არჩევნები იყო გამოცდა საერთაშორისო საზოგადოების თვალში და ქვეყანამ ეს გამოცდა ჩააბარა. ძალიან მნიშვნელოვანი ნაბიჯი გადაიდგა, ხალხმა არჩევანი გამოხატა. მთავრობა შეიცვალა საარჩევნო ყუთების საშუალებით და არა ქუჩის აქციებით, ეს ამ ქვეყნისთვის უმნიშვნელოვანესი ნაბიჯია და მაგალითია რეგიონში და მის საზღვრებს გარეთ. ამჟამად მთავრობის ცვლის პერიოდში ვართ. ძველი მთავრობა ოპოზიციაში გადადის ეს ხდება მშვიდობისა და ურთიერთპატივისცემის ფარგლებში და ეს ასევე უნდა გაგრძელდეს. Aამჟამად მოვლენებს ყველა ყურადღებით ადევნებს თვალს, რათა დარწმუნდნენ, რომ პროცესი ისეთივე წარმატებით გაგრძელდება, როგორც აქამდე იყო", _განაცხადა აპატურაიმ.
შეგახსენებთ, რომ საქართველოში ვიზიტის ფარგლებში ჯეიმს აპატურაი აღმასრულებელ ხელისუფლებისა და მომავალი მთავრობის წარმომადგენლებს შეხვდება. Aასევე Dდაგეგმილია შეხვედრა საქართველოს პრეზიდენტთან მიხეილ სააკაშვილთან და პრემიერ-მინისტრობის კანდიდატთან ბიძინა ივანიშვილთანაც.
