,,ჩვენ ვაგრძელებთ მხარდაჭერას საქართველოს ტერიტორიული მთლიანობის მიმართ", _ განაცხადა ჟურნალისტებთან ნატოს გენერალური მდივნის სპეციალურმა წარმომადგენელმა კავკასიასა და ცენტრალურ აზიაში ჯეიმს აპატურაიმ.
მისივე განცხადებით, საქართველო ნატოს წევრი ქვეყანა გახდება.
,,ჩემი მთავარი გზავნილი იქნება ის, რომ ნატო გააგრძელებს საქართველოსთან მუშაობას. ერთგული რჩება ბუქარესტის გადაწყვეტილების, რომ საქართველო გახდება ნატოს წევრი. ჩვენ ასევე გავგრძელებთ მხარდაჭერას საქართველოს ტერიტორიული მთლიანობის მიმართაც", _ განაცხადა აპატურაიმ.
შეგახსენებთ, რომ საქართველოში ვიზიტის ფარგლებში ჯეიმს აპატურაი აღმასრულებელ ხელისუფლებისა და ახალი მთავრობის წარმომადგენლებს შეხვდება. ასევე დაგეგმილია შეხვედრა მიხეილ სააკაშვილთან და ბიძინა ივანიშვილთანაც.