.,,საქართველომ მსოფლიოში ახალგაზრდა დემოკრატიებს მაგალითი უჩვენა", -განაცხადა ჟურნალისტებთან ნატოს გენერალური მდივნის სპეციალურმა წარმომადგენელმა კავკასიასა და ცენტრალურ აზიაში ჯეიმს აპატურაიმ.
მისივე განცხადებით, საქართველოში ახლა ისტორიული მომენტია.
"საქართველოში წლების განმავლობაში ხშირად ჩამოვდივარ და ამ ქვეყნის დიდი ხნის მეგობარი ვარ, მაგრამ განსაკუთრებით მიხარია ახლა, რომ ვიმყოფები. ეს თქვენი ქვეყნისთვის ისტორიული მომენტია. ძალაუფლების ნამდვილი დემოკრატიული გადაცემა ხდება. საქართველომ მსოფლიოში ახალგაზრდა დემოკრატიებს მაგალითი უჩვენა. Aამიტომ მოხარული ვარ, აქ, რომ ვიმყოფები. ველოდები შეხვედრებს პრეზიდენტის ადმინისტრაციასთან, ასევე მომავალ მთავრობასთან და ბატონ ივანიშვილთან. მინდა მოვისმინო ორივე გუნდის გეგმები", - განაცხადა აპატურაიმ.
შეგახსენებთ, რომ საქართველოში ვიზიტის ფარგლებში ჯეიმს აპატურაი აღმასრულებელ ხელისუფლებისა და მომავალი მთავრობის წარმომადგენლებს შეხვდება. ასევე დაგეგმილია შეხვედრა მიხეილ სააკაშვილთან და ბიძინა ივანიშვილთან.
