ლაურეატების დაჯილდოების საზეიმო ცერემონიალი ტრადიციულად 10 დეკემბერს სტოკჰოლმში გაიმართება - ნობელის პრემიის დამფუძნებლის, ალფრედ ნობელის გარდაცვალების დღეს.

ხვალ, 11 ოქრომბერს 2012 წლის ნობელის პრემიის ლაურეატებს ლიტერატურის დარგში დაასახელებენ.

9 ოქტომბერს ფიზიკის დარგში 2012 წლის ნობელის მსოფლიო პრემია ფრანგმა სერჟ აროშმა და ამერიკელმა დევიდ უაინლენდმა ნოვატორული და ექსპერიმენტული მეთოდებისთვის მიიღეს, რომლებიც კვანტური ნაწილაკების კონტროლისა და გაზომვის საშუალებას იძლევა. განცხადება ამის შესახებ დღეს შვედეთის სამეფო მეცნიერებათა აკადემიის ნობელის კომიტეტმა გაკეთა.

სერჟ აროში ფრანგი ფიზიკოსია, იგი მაროკოში დაიბადა, კოლეჯ დე ფრანსის პროფესორია. მუშაობდა სტენფორდისა და ჰარვარდის უნივერსიტეტებში, მასაჩუსეტსის ტექნოლოგიურ უნივერსიტეტში. 2009 წელს ფიზიკოსმა საფრანგეთის სამეცნიერო კვლევების ცენტრის ოქროს მედალი მიიღო.

დევიდ უაილენდი ამერიკელი ფიზიკოსია, რომელიც აშშ-ის სტანდარტებისა და ტექნოლოგიების ნაციონალურ ინსტიტუტში მუშაობს. მან 1978 წელს პირველად მოახდინა დემონსტრირება იონების ლაზერული გაცივებისა. ამ მეცნიერის კვლევებმა გზა გაუხსნა მკვლევარებს უილიამ ფილიპს, სტივენ ჩუს, კლოდ კოენ -ტანუჯს და ასევე ერიკ კორნელსს, ვოლფგანგ კეტერლესა და კარლ ვიმანს - ყველა ეს ფიზიკოზი ასევე იყო ნობელის პრემიის ლაურეატი 1997 და 2001 წლებში.

ყოველ ნომინაციაში ნობელის პრემიის თანხა მიმდინარე წელს 8 მილიონ შვედურ კრონს (1,2 მილიონი აშშ დოლარი) შეადგენს.

8 ოქტომბერს 2012 წლის ნობელის პრემია მედიცინის დარგში იაპონელ მეცნიერს სინია იამანაკას და ბრიტანელ ბიოლოგს ჯონ გერდონს ცხოველთა კლონირებისა და უჯრედებთან მუშაობის გამო მიენიჭა.

იამაკასა და გორდონს უკვე რამდენიმე წელია ზედიზედ ასახელებენ უმაღლესი საერთაშორისო ჯილდოს მიღების შესაძლო ჯანდიდატებს შორის.

სინია იამანაკა - კობეს უნივერსიტეტის კურსდამთავრებულია, იგი ცენტრის დირექტორია კიოტის უნივერსიტეტში მოწინავე სამედიცინო მეცნიერებისა. ის ასევე არის თანამშრომელი აშშ-ის გულსისხლძრღვთა დაავადებების გლენდსტონის უნივერსიტეტისა.

სერ ჯონ გერდონი ოქსფორდის უნივერსიტეტის კურსდამთავრებულია და კემბრიჯის ონკოლოგიური კვლევებისა და ემბრიოლოგიის ინსტიტუტის თანამშრომელი, რომელიც მის სახელს ატარებს.