აშშ-ის რესპუბლიკური პარტიის პრეზიდენტობის კანდიდატმა მიტ რომნიმ და მოქმედმა პრეზიდენტმა ბარაკ ობამამ პირველი დებატები გამართეს. ექსპერტები დებატების შემდეგ თანხმდებიან რომ პირველ დებატებში, რომელიც დენვერის უნივერისტეტში გაიმართა, გამარჯვება რომნიმ მოიპოვა და ამით საკუთარ საარჩევნო კამპანიას ახალი ენერგია შესძინა.
ექსპერტების მოსაზრებები დაემთხვა სი-ენ-ენის მაყურებელთა კენჭისყრის შედეგებსაც.
დებატების მთავარი თემები იყო, გადასახადები, ჯანდაცვა და მთავრობის როლი.
ექსპერტები აცხადებენ, რომ რომნი მეტად თავდაჯერებულად გამოიყურებოდა და ჩიფრებიტა და ფაქტებით წარმატებულ ოპონირებას ახერხებდა.
მან აქცენტი გააკეთა ეკონომიკური ზრდის მცირე მაჩვენებელზე და უმუშევრობაზე , რომლის მაჩვენებელი 8,1% -ს აღწევს.
"მე სრულად დარწმუნებული ვარ იმაში, რომ ჩვენ ახლა მივდივართ იმ გზით, რომელიც ვერ მოუტანს აშშ-ს წარმატებას. პრეზიდენტის შეხედულებები მას მერე არ შეცვლილა, რაც ის, ოთხი წლის წინ, თეთრ სახლში მოვიდა - მეტი ხარჯი, რაც შეიძლება მეტი გადასახადები და მეტი რეგულირება. ეს არასწორი მიდგომაა აშშ-ისთვის", - განაცხადა რომნიმ .
თავის მხრივ ობამამ აღნიშნა, რომ რომნის სურს მოიქცეს ჯორჯ ბუში უმცროსის ანალოგიურად და გაატაროს ისეთივე საგადასახადო რეფორმა, რომლის გატარებასაც მისი წინამორბედი 2001 -2003 წლებში ცდილობდა.
"ყველაფერი დასრულდება იმით, რომ პროფიციტიდან ჩვენ დეფიციტში გადავალთ და ამის შედეგი იქნება საშინელი რეცესია , რომელიც დიდი დეპრესიის დროიდან , მოყოლებული ამერიკას არ ახსოვს", - განაცხადა ობამამ .
უნდა აღინიშნოს, რომ სი-ენ-ენის მაყურებელთა 67% -მა დებატებში უპირატესობა რომნის მიანიჭა, ხოლო 25% -მა ობამას .
რაც შეეხება მაყურებელთა პირად სიმპატიას , აქ გამოკითხულთა პოზიციები კანდიდატების მიმართ, შედეგების მიხედვით, თითქმის თანაბარი აღმოჩნდა.
