„ქართული ოცნების" წარმომადგენლები საოლქო კომისიის წარმომადგენლებს მუშაობაში ხელს უშლიან და მათზე ზეწოლას ახორციელებენ, - განაცხადა "ნაციონალური მოძრაობის" პრესსპიკერმა, ჩიორა თაქთაქიშვილმა დღეს გამართულ პრესკონფერენციაზე.
მისი თქმით, ზეწოლა იმ საოლქო კომისიებზე ვრცელდება, სადაც „ნაციონალური მოძრაობა" ლიდერობს.
თაქთაქიშვილის ინფორმაციით, თეთრიწყაროს საოლქო კომისიაში სოზარ სუბარი, კომისიის წევრებს 500 აქტივისტთან ერთად, სხდომის ჩატარების საშუალებას არ აძლევს და მათზე ზეწოლას ახორციელებს.
მისივე თქმით, ასევე, პრობლემებია სიღნაღის,.მარტვილისა და ამბროლაურის საოლქო კომისიაებში.
„ეს არის უხეში ჩარევა ცესკოს საქმიანობაში, რომელიც კანონით ისჯება. „ქართულ ოცნებას" მოვუწოდებთ მსგავსი ფაქტები აღკვეთონ",- განაცხადა თაქთაქიშვილმა.
მასალის გამოყენების პირობები
