საერთაშორისო დამკვირვებელთა დასკვნები იმის შესახებ, რომ საქართველოში საპარლამენტო არჩევნები სამართლიანად ჩატარდა სწორი იყო, - განცხადება ამის შესახებ აშშ-ს სახელმწიფო მდივანმა ჰილარი კლინტონმა გააკეთა.
"ჩვენ მხარს ვუჭერთ საერთაშორისო მისიების დასკვნას იმის შესახებ, რომ საქართველოს მოსახლეობამ თავიანთი არჩევანის გაკეთება თავისუფლად შეძლეს", _ ნათქვამია კლინტონის მიერ გავრცელებულ განცხადებაში. ჰილარი კლინტონი ასევე მიიჩნევს, რომ ახლა საქართველოს ახალმა პარლამენტმა ქვეყნის განვითარებისათვის ძალისხმევა უნდა გააგრძელოს.
"ახლა, როდესაც ქართველმა ხალხმა თავისი აზრი გამოხატა, აშშ ყველა მხარეს მოუწოდებს კონსტრუქციული თანამშრომლობისაკენ ახალ პარლამენტში, იმისათვის რათა უზრუნველყოფილი იყოს საქართველოს ეკონომიკური და დემოკრატიული განვითარება.
ჩვენ მზად ვართ საქართველოს ახალ პარლამენტთან თანამშრომლობისათვის, ასევე ამ ქვეყნის პრეზიდენტთან და მთავრობასთან თანამშრომლობისათვის",_ აცხადებს კლინტონი .
მისივე თქმით, აშშ ულოცავს საქართველოს მოქალაქეებს, რომ ისინი მშვიდობიანად და აქტიურად მონაწილეობდნენ არჩევნებში.
თეთრი სახლის წარმომადგენელმა ვიქტორია ნულანდმა ვაშინგტონში გამართულ ბრიფინგზე ასევე შეაქო საქართველოს პრეზიდენტი მიხეილ სააკაშვილი იმისათვის, რომ მმართველმა პარტიამ მალევე აღიარა დამარცხება არჩევნებში.
აშშ ასევე აცხადებს, რომ საქართველოში ჩატარებული არჩევნები სამაგალითო უნდა იყოს მთელი რეგიონისათის.
