საქართველომ და ბურკინა-ფასომ დიპლომატიური ურთიერთობები დაამყარეს. საგარეო საქმეთა სამინისტროს ინფორმაციით, ხელმოწერილი დოკუმენტის თანახმად, ხელმძღვანელობენ რა გაეროს წესდებისა და საერთაშორისო სამართლის პრონციპებითა და მიზნებით, სახელმწიფოები ერთმანეთთან ურთიერთობებში ხელმძღვანელობენ სუვერენული თანასწორობის, ტერიტორიული მთლიანობის პატივისცემის, სახელმწიფო საზღვრების ურღვეობისა და ერთმანეთის საშინაო საქმეებში ჩაურევლობის პრინციპებით.
ბურკინა-ფასოს მხრიდან კომუნიკეს ხელი მოაწერა ამ სახელმწიფოს საგანგებო და სრულუფლებიანმა ელჩმა, გაეროსთან მუდმივმა წარმომადგენელმა დერ კოგდამ საქართველოს მხრიდან - საგანგებო და სრულუფლებიანმა ელჩმა, საქართველოს მუდმივმა წარმომადგენელმა გაეროსთან ალექსანდრე ლომაიამ.
ხელმოწერის ცერემონიალი გაიმართა ნიუ იორკში, გაერთიანებული ერების ორგანიზაციასთან საქართველოს მუდმივ წარმომადგენლობაში.
საერთაშორისო პრაქტიკის შესაბამისად, დიპლომატიური ურთიერთობების დამყარების შესახებ მხარეებმა ერთობლივი წერილით აცნობეს გაეროს გენერალურ მდივანს ბან კი მუნს.
