,,ოფიცრებო და ჯარისკაცებო არასოდეს დაივიწყოთ, რომ თქვენ მხოლოდ და მხოლოდ ხალხსა და ქვეყანას ემსახურებით ",_ განაცხადა ,,ქართული ოცნების" ლიდერმა ბიძინა ივანიშვილმა თავისუფლების მოედანზე სიტყვით გამოსვლისას და აღნიშნა, რომ ყველა ადამიანს თავისი ღვაწლი დაუფასდება.
"დამსახურება არ უნდა დაეკარგოს არცერთ ჩვენს მოქალაქეს. მით უფრო სახელმწიფოსათვის თავდადებულ ჯარისკაცსა და პოლიციელს. ოფიცერი და ჯარისკაცი ის ადამიანია, რომელიც მზადაა სიცოცხლე გაიღოს Yთავისი ქვეყნისა და ხალხის დასაცავად. ისინი თავს სწირავენ სხვა ადამიანის სიცოცხლის გადასარჩენად. Aამაზე მეტი კეთილშობილება რა უნდა იყოს. როგორ შეიძლება ეს თავგანწირვა კეთილდღეობა არ დაუფასოთ ჩვენს სამხედროებს. ჩვენო საიმედო ოფიცრებო და ჯარისკაცებო არასოდეს არ უნდა დაივიწყოთ რომ თქვენ მხოლოდ და მხოლოდ ხალხსა და ქვეყანას იცავთ და ემსახურებით და არა რომელიმე ხელისუფლებას. პირიქით ხელისუფლება თავად უნდა ემსახუროს თავდადებულ მეომრებს და მათ ოჯახებს. ასე იქნება, როცა ჩვენ ხელისუფლებაში მოვალთ", _განაცხადა ივანიშვილმა.
